“No seu traballo destacan as figuras femininas e as miradas cun transfondo”
Ilustradora nada en Santiago de Compostela e criada en Ordes, desde pequena xa tiña algo co que debuxar na man e polo visto a día de hoxe aínda non o soltou. É unha apaixonada dos retratos; afirma que lograr expresar tanto en tan só unha cara parécelle extraordinario. No seu traballo destacan as figuras femininas e as miradas cun transfondo. A súa obra pódese resumir en dúas formas opostas: a primeira, a máis realista, detallada e en branco e negro; a segunda, máis animada, entrando tamén no ámbito do muralismo.
