-2021

“O seu método artístico é a miúdo automático, buscando que o que se expresa naza máis das entrañas que das ideas.”

Artista viguesa. Alejandra Tomé está detrás da firma artística Dispersa e do proxecto que a acompaña, Dispersa Ideas. Tras cursar Belas Artes en Pontevedra, estuda teatro e cerámica. O seu método artístico é a miúdo automático, buscando que o que se expresa naza máis das entrañas que das ideas. Os seus temas recorrentes son a natureza, a feminidade, a identidade do ser, as relacións interpersoais e as culturas ancestrais. É unha artista versátil e camaleónica que non ten un estilo concreto definido. Gústalle experimentar novas técnicas e maneiras de facer, outorgándolle maior importancia ao proceso.