-2019

“No seu traballo sempre están presentes a figura feminina e a natureza”

Abi Castillo é unha ilustradora e ceramista viguesa. É graduada en Belas Artes pola Uvigo e titulada en cerámica artística pola EMAO en Vigo. Traballa como artista freelance, e realiza ilustracións para libro infantil e xuvenil para editoriais como Xerais e Galaxia. Tamén realizou traballos murais e pequenas intervencións pola cidade. Foi finalista coas súas esculturas cerámicas no certame Premio Auditorio de Galicia 2017 e premiada no concurso Novos Valores 2019 da Deputación de Pontevedra. Ademais colaborou coa marca Zara do grupo Inditex no proxecto Women in Art 2019 con proxección mundial. No seu traballo sempre están presentes a figura feminina e a natureza, e o seu traballo está directamente influenciado polo folclore galego e a tradición cunha mirada actual e renovada onde a cor ten un papel moi importante.